بين القبور

عينان لا تكفان عن البكاء 
وقلب لا يكف عن النزيف 
وروح تتسرب ببطئ شديد 
من جسد هوى وعشق الي ابعد الحدود 
حب صادق وقلب عاشق اصبحا من النسيان ودفنا تحت التراب 
ولم يبقي منهما سوى ذكريات 
اتجول بين تلك القبور التى تحتوى ارواحا وقلوب كثيرة تحت ترابها 
بعضها اخد الجسد معها حتى تريحه من عذاب لا يطاق 
ومن لازمه الحظ السئ لا يزال جسده بلا روح وقلب 
وفي الخارج معى يتجول بين تلك القبور 
ينتظر الي ان ينضم اليهما في يوم من الايام والي ذلك اليوم 
يعيش ما تبقي له بين ذكريات والام الفراق
مع تحياتى:
  هـــيـــامـــ ســـالـــمـــ

أكمل التدوينه

فتاتين

عجبا لهذه الحياه القاسية 
اجتمع فتاتين بيوم واحد ولكن لكن منهما حال مختلف عن الاخري
فالاولي قد كسر قلبها اليوم 
والاخري اكتمل قلبها اليوم
الاولى تعيش حياه من الذكريات والماضي 
والاخري تعيش حياه لتصنع ذكريات وتعيش الحاضر و المستقبل 
الاولي هلكها التعب في غرفة مظلمة ودموع حارة ووساده مبللة وصمت قاتل 
والاخري هلكها التعب من الرقص والغناء معلنة فرحتها الي الابد
الاولي تعلم ان الاخري سعيده فهى تسمع صوت ضحكات الناس مباركة لها 
والاخري لاتعلم بان هناك فتاه تتجرع الالم والحزن في صمت

أكمل التدوينه

الوحده

الوحده

تعرف يعنى ايه الوحده ؟, طيب تعرف شعورها ؟

عارف الوحده زى ايه ؟

الوحده زى انسان موجود مع ناس , بس محدش شايفو ولا واخد بالو منو

لما يجى يتكلم محدش يسمعو حتى لو صرخ باعلي صوت

لو عيط محدش هيجى يقولو مالك , ده لان محدش حاسس بيه من الاساس , ولو فرح محدش هيضحك معاه

الوحده انك تكون عايز تتكلم مع حد ومتلاقيش حد يسمعك

تبقي عايز تقول كلام كتير في قلبك عشان ترتاح

بس محدش مهتم بيك عشان يفكر انت مضايق ولا مبسوط

الانسان الوحيد

زى انسان شفاف شايف كل الناس وبيحاول يكون معاهم

بس محدش شايفو

بيفرح لفرحهم ويزعل لزعلهم بس محدش حاسس بيه

و في الاخر بيبعد ويروح لمكان بعيد يقعد لواحدو مع وحدته اللي بقت اقرب ليه من روحو

ومحدش بياخد بالو انه كان موجود من الاساس 

مع تحياتى :

     هـــيـــامـــ سالـــمـــ

أكمل التدوينه

احلام وردية 1

بنات عمرهم معداش ال3 سنين قاعدين بيلعبو مع بعض قدام باب بيت

 واحده فيهم وهم بيلعبو مرت من قدامهم بنت شابة سلمت علي واحده فيهم وادتها 3 مصاصات ليها ولاصحبها ومشيت وهى بتضحكلها ... جريت البنت علي اصحبها

 فرح(ببراءة): مين دى ؟

 رحمة(بسعاده): دى الدكتورة اللي كثفت عليا لما كنت تحبانة...ثوفو ادتنى ايه ؟

 بدات رحمة توزع المصاصات علي ابتسام و فرح

 رحمة(بسعاده) : انا لما اكبر هبقي دكتورة زى الدكتورة اللي كثفت عليا

 ابتسام(بطفولة):هى طيبة ؟

 رحمة (بسعاده): اه وكمان ادتنى مثاثة بحد ما كثفت حليا

 فرح(بسعاده) : انا بحب الرثم اوى ونفثي ارثم حكات كتيـــــــــــــر اوى

 بصت رحمة لابتسام ببراءة

 رحمة(مبتسمة) : وانتى يا ابتثام حايزة يطلعى ايه لما تكبري ؟

 ابتسام(بهدوء): مدرسة

 بعد مرور سنين طويلة بقت ابتسام وفرح ورحمة في ثانوية عامة

 رحمة وفرح مستنيين تحت بيت ابتسام ومستعجلين

 رحمة(بستعجال): انا هرن عليها عشان استعجلها

 فرح(مبتسمة): اهدى شوية الدنيا مش هتطير

 رحمة(بقلق):حاسة قلبي هيقف من الرعب خايفة اوى

 فرح(مبتسمة): متخفيش ان شاء الله هتحققي حلمك

 بصت فرح لقت ابتسام خارجة من باب العمارة بكل هدوء

 رحمة(بغضب): طب اعمل فيكى ايه دلوقتى ؟؟؟ كل ده بتلبسي ؟

 ابتسام(بهدوء): معلش ....يلا نمشي عشان نشوف النتيجة

 مشيت ابتسام وفرح ورحمة عشان يشوفو النتيجة .... وفي المدرسة كانت رحمة بتتنطط من الفرحة وفرح قاعده تضحك عليها وابتسام مبتسمة بهدوء

 رحمة(بسعاده ): مستحيل هحقق حلمى اخيرا يا بنات

 فرح(مبتسمة): مبروك يا حبيبتى

 رحمة نطت وحضنت ابتسام وفرح مرة واحده وهم بيضحكو علي تصرفاتها اللي بتعملها من دون حساب لا للوقت ولا المكان

 كل واحده فيهم حققت جزء بسيط من القايمة اللي رحمة اقترحتها " قايمة الحلام "

 رجعت كل بنت لبيتها بعد ما رحمة عزمتهم علي اكل في مطعم احتفل بالنجاح

 في بيت رحمة

 بين جرس لباب باستمرار والباب بيخبط ,, جريت سعاد علي الباب وهى خايفة من طريقة الخبط علي الباب

 سعاد(بقلق): حاضر حاضر الدنيا مش هطير .... يارب استر في ايه

 فتحت سعاد الباب لاقت رحمة قدامها بتضحك وراحت ناطة عليه وحضنتها علي الباب وباست راسها و نزلت ودخلت البيت وهى بتلف وتدور

 رحمة(بسعاده ):باركيلي يا ماما

 سعاد(بفرحة): عملتيها ؟

 رحمة وقفت عن الدوران وفضلت تنط وتسقف وهى بتضحك

 رحمة(بسعاده): اه يا ماما

 طلع علي صوت رحمة اخوها زياد .... زياد صاحى من النوم وبيلعب في شعرو وواقف علي الباب

 زياد(بنعاس): الف مبروك يا ريري

 وقفت رحمة عن النط وبصتلو وهى بتضحك وجريت عليه ونطت حضنتو وزياد بيضحك عليها

 رحمة(بسعادة): الله يبارك فيك يا احلي اخ في الدنيا كلها

 سعاد(بتضحك): طيب يلا غيري هدومك عشان ترتاحى شوية وبعدين اصحيكى نخرج مع بعض عشان نحتفل بنجاحك

 رحمة(بسعاده): حاضر

 وجريت علي الاوضة وهى بتنط وبتضحك واول ما دخلت الاوضة جريت علي مكتبها فتحتو وطلعت ورقة وعملت عليها علامة صح

 وفي بيت فرح

 رن جرس الباب وثوانى وكان الباب اتفتح فرح واقفة مبتسمة لمنار

 فرح(مبتسمة): مش تقولي مبروك ؟

 منار(بسعاده): عملتيها؟

 دخلت فرح وهى مبتسمة بخبث وعاملة نفسها بتفكر

 فرح(بخبث): استنى كده اما اشوف ورقة النتيجة بتقولي ايه

 اه فرح محمد حسين ,التقدير العام 98%

 ولفت علي مامتها اللي حضنتها من فرحتها

 منار(بهدوء): لسه مقررة انك تدخلي فنون جميلة

 فرح(بهدوء): انتى عارفة يا ماما انا بحب الرسم قد ايه ومش هقدر ادخل حاجة انا مش حباها

 وانا صممت اجيب مجموع عالي عشان محدش يقول دى جابت مجموع صغير وملقتش غير فنون جميلة

 منار(مبتسمة): ربنا يباركلك ويكملك بعقلك

 فرح(مبتسمة):ربنا يخليكى يا ماما

 بصت فرح للساعة

 فرح(باستفهام): امال فين بابا ؟

 منار(بهدوء): معرفش , هو اتصل بيا وقالي هيتاخر وانو اخد معاه اخوكى محمد

 فرح(بهدوء): طيب لما يرجع متقوليش حاجة انا اللي هبلغهم

 منار(مبتسمة):حاضر ياستى

 فرح(مبتسمة): طيب انا هقوم عشان ارتاح بقي

 منار(مبتسمة):ماشي

 وقبل ما فرح تدخل الاوضة قامت باست ايد منار , واول ما دخلت الاوضة فتحت كراسة ليها وعلمت علامة صح

 اما في بيت ابتسام

 وصلت ابتسام البيت طلعت مفتاح وبكل هدوء دخلت البيت , بصت يمين شمال محدش مستنيها , دخلت علي الاوضة بتاعتها وفتحت كراسة وعملت صح ... غيرت هدومها وطلعت تشوف مين في البيت

 امانى(بحده):كنتى فين ؟

 ابتسام(بهدوء): مش قولت يا ماما النتيجة طلعت النهارده

 امانى(بعدم اهتمام): قال يعنى هتكسري الدنيا

 زعلت ابتسام من طريقة مامتها معاها

 ابتسام(بهدوء): انا عملت اللي عليا وربنا ادانى علي قد تعبي

 امانى(بحده): كلو زى بعضو .. ما كل الناس بتذاكر ... معملتيش اللي معملوش حد يعنى

 لفت امانى تجيب حاجة من التلاجة وهى بتتجاهل ابتسام

 ابتسام(بهدوء): ياماما انا طلعت الاولي علي المدرسة

 امانى(بحده): وبعدين يعنى اعملك ايه ؟

 ابتسام(بهدوء): ولا حاجة يا ماما عن اذنك

 دخلت ابتسام الاوضة و رمت نفسها علي السرير وهى بتسترجع احداث الماضي

 كانت ابتسام طفلة صغيرة وقتها عندها 5 سنين لم سمعت ابراهيم بيتشاكل مع امانى

 ابراهيم(بغضب): حتى حتة العيل اللي اتمنيتو من الدنيا مجبتهوش وقاعده تطلبي حاجات كتير علي ايه انا مش فاهم

 قولت اصبر يا واد الفرج قريب هيجيلك الولد اللي بتحلم بيه بس مجاش والدكتور بيقول مش هتقدري تحملي تانى

 سكت وصبرت لكن انتى زودتيها عن حدها ,بصي يا بنت الناس انتى من طريق وانا من طريق

 يومها طلق ابراهيم امانى واتجوز واحده تانية وجاب منها الولد , بعد اللي حصل ده امانى حملت ابتسام كل حاجة واكنها سبب طلاقها وسبب عدم حملها مرة تانية وبدات تعاملها اكنها عدوة ليها حرمتها من الانسان اللي بتحبو

 فاقت ابتسام علي دموعها وهى كلها تصميم انها تحقق حلمها نها تطلع مدرسة عشان تعامل الاطفال معاملة حلوة لو حد فيهم عندو ظروف في البيت تحاول تكون معاه عشان متاثرش عليه

 فاقت ابتسام من شرودها علي صوت الموبايل , بصت ابتسام للموبيل ودخلت البلكونة عشان ترد

 ابتسام(بهدوء): الو .... الحمد لله ... طلعت الاولي علي المدرسة ..... الله يبارك فيك ... حاضر هقابلك عند نفس المكان

 ..... محمد رسول الله ... مع السلامة

 قفلت ابتسام الخط وهى مبسوطة ان حد مهتم بيها

أكمل التدوينه

تحسين مظهر مدونتك

السلام عليكم 
...............
عشان نحسن مظهر المدونة في حاجات لازم نعملها
1- نركب قالب مناسب للمدونة
2-نعدل في تخطيط المدونة (مهو مش هناخدها زى ما هى لازم نعدل عليها وتغير في شكلها )
3-اضافة ادوات جديده وترتيبها بشكل جميل 
4- اضافة مواضيع في المدونة 
..................................................................................................................
1-تركيب قالب مناسب للمدونة :
طبعا كل واحد فينا لما بيعمل مدونة , بيكون عايز يميزها بقالب مميز مناسب لمحتوى المدونة وكمان لشخصية الكاتب 
طبعا ده مش هينفع الا لما انت تصمم المدونة بتاعتك عن طريق الفوتوشوب وتعملها الاكواد عشان تركب 
بس عن نفسي لسه مجربتش حاجة من دى 
طيب ودلوقتى الحل ايه ؟؟؟
مش قدامنا غير القوالب الجاهزة 
وانا هنا هحط ان شاء الله مواقع عليها قوالب جاهزة وشكلها حلو وانتوا اختارو اللي يناسب مدونتكم
 الموقع ده فيه حاجات كتر حلوة ومنها ادوات ممكن تفيدك في انك تخلي موقعك متميز 
1-/http://www.allblogtools.com/category/blogger-templates
الموقع ده فيه قوالب كتير تقدرو تختارو منها اللي يعجبكم 
2- http://btemplates.com/blogger-templates/adaptation-of-wordpress/
هو في  موقع تانى بس لما جيت افتحو لاقيتو قافل مؤقتا انا هحطو وانتو تابعو معاه فيه قوالب حلوة و ذوقها رقيق اوى 
3-http://www.skincorner.com/
4-http://theblogtemplates.com/
دلوقتى انت اختارت قالب مميز للمدونة بتاعتك 
هتروح علي تانى خطوة 
..................................................................................................................

2-نعدل في تخطيط المدونة (مهو مش هناخدها زى ما هى لازم نعدل عليها وتغير في شكلها )
هنروح علي لوحة التحكم  ونضغط علي تخطيط 
في الجزء ده انت بترتب كل حاجة وشكل المدونة ليها كام عمود وهل هو علي اليمين ولا الشمال 
هل الجزء اللي تحت متقسم ولا لا 
ملاحظة : في كلمة قالب هتلاق كلمة تخصيص تحت صورة للمدونة بتاعتك 
اضغط عليها 
هتتفتح صفحة فيها حاجات مش تقرب غير علي كلمة تخطيط 
وتختار منها شكل الاعمده اللي في المدونة 
وتعمل حفظ للمدونة 
وبعد كده في لوحة التحكم تضغط علي تخطيط وترتب مكان الايقونات 
............................................................................................................

3-اضافة ادوات جديده وترتيبها بشكل جميل 
اضافة ادوات جديده اساسية شئ سهل جدا 
من لوحة التحكم نضغط علي تخطيط هتلاقي الايقونات موجوده وفوق منها ايقونة فاضية مكتوب فيها اضافة اداه 
اضغط عليها 
واعمل اضافة للادوات اللي تناسبك في المدونة 
وبعد ما تخلص  رتب الايقونات بشكل حلو  ومتناسق بانك تضغط علي الايقونة وتنقلها من مكانها وتحطها ف المكان اللي انت شايفو مناسب 
.....................................................................................................

4- اضافة مواضيع في المدونة 
دى حاجة انا مش هعلمها لحد لان اللي بيعمل مدونة بكون عاملها في حاجة هو عارفها ومتمكن منها 
بس اللي اقدر اقولو لو المواضيع فيها صور يا ريت تكون الصور في نص الموضوع بين الكلام 
..................................................
يارب اكون عرفت افيدكم 
مع تحياتى :
هـــيـــامـــ ســـالــــمــــ

أكمل التدوينه

مساعده المبتدئين في تحسين شكل مدونتهم

السلام عليكم 

وانا قاعده بدور علي ادوات وروابط عشان احاول اخلي المدونة مريحة 

جاتلي فكرة 

انى كل ما اعمل حاجة اجى اكتبها هنا 

عشان لو حد عامل مدونة جديده يستفيد من اللي انا كتباه 

خصوصا وانا مجربة وعرفت ايه اللي هيشتغل وايه اللى مش هيشتغل 

وكمان مع تفاصيل انا تعبت لحد ما اكتشفتها 

يا رب القسم ده يكون مفيد ليكم 

في امان الله 

مع تحياتى :

                هـــيـــامـــ ســـالـــمـــ

أكمل التدوينه

مناقشة احلام وردية

كتير بنسمع ناس تقول انت عايش/ ة  احلام وردية 
فوقو من احلامكم دى 
ياتري احنا بنحلم ليه ?
من راي  الشخصي اننا بنحلم لاسباب
منها نخفف ضغط مشاكل الحياه اللي علينا 
باننا نحلم ونتخيل حلول 
ممكن تكون واقعية وتتحقق بس احنا معندناش الشجاعة اننا نعملها 
ومنها خيال مجرد خيال لا يمكن تحقيقه بس بنحلم بيه عشان نخفف عن نفسنا ونريح نفسها 
طيب في حاجة تانية غير الاحلام بنهرب بيها من الواقع اللي عيشينو 
في راي الشخصي مفيش 
الاحلام حاجة حلوة 
انا بحب احلم 
لما اكون مضايقة او زعلانة بحلم بروح لعالم من  الخيال 
وبعدها اضحك علي نفسي وعلي حلولي الخيالية 
ياتري انتو برضو مش بترتاحو غير  لما بتحلمو ؟
في احلام حلمناها واصرينا بشده اننا نحققها في حاجات بتحصل مش علي مزاجنا 
وضاعت معاها احلامنا 
ممكن من شده اصرارنا علي تحقيقها 
بنضيع احلام ولادنا عشان نحققها 
بس في راي دى انانية ليس الا 
مش معنى انك اتحرمت من حلمك انك تروح وتهدم حلم غيرك 
وتنسي انك زعلت عشان ضاع منك 
ودلوقتى جاي تزعل اولادك عشان تفرح نفسك 
ممكن يجى يوم او فرصة نقدر فيها نحقق حلمنا 
بس ياتري انت نسيت حلمك ولا مازلت مصر عليه ؟
ده بعض من اللي بيدور في بالي 
مع تحياتى :
  هـــيـــامـــ ســـالـــمــــ

أكمل التدوينه

احلام وردية

قصتى الجديده احلام وردية 
يارب تعجبكم 

الاحلام ما هى الا ريشة تحركها الرياح وهى الاقدار وبعض الاشخاص

 تغير مجري حياتنا وخططنا الي مسار لم نخطط له او نحلم به

 فنعيش حلم جديد قد نعتاد عليه او لا ولكن قد يرضي هذا الحلم بعض الاشخاص

 التى وصلت بهم الانانية الي تحطيم احلام بعض الاشخاص لتحقيق احلامهم التى فشلو في تحقيقها

 فنظل نركض وراء احلام ضائعة وهى "الاحلام الوردية "

 ما هى الرياح التى عصفت بريشة كل من فرح ورحمة وابتسام ؟

مع تحياتى :
  هـــيـــامـــ ســـالـــمـــ

أكمل التدوينه

حب مقتول

وانا قاعده مع نفسي لاقتنى بسال قلبي 
ياتري لو اتنين بيحبو بعض لدرجة الجنون 
و واجهاتهم مشاكل بشكل غير معقول 
ياتري يفضلو مع بعض علي طول؟؟ 
ولا كل واحد يلف ويمشي في طريق مجهول ؟؟
ليه الظروف بتحكم عليهم يسيبو بعض ؟؟
وهم بيحبو بعض باخلاص وصدق 
ونقعد ونقول كلام مش مفهوم 
احنا كبار وبنعرف في كل الامور 
عندنا خبرة واللي اكبر منك بيوم 
ليه بنتكبر ومنديش الناس فرصة 
يعبرو ويدافعو عن نفسهم ؟؟
ليه نكسر نظرة حب في عيونهم ؟؟
ونجرح قلوبهم و نقتل حبهم ؟؟
ليه منعترفش لما نغلط ؟؟؟
ونفضل نعاند ونقول 
احنا كبار ونعرف في كل الامور 
مع تحياتى:
   هـــيـــامـــ ســـالـــمـــ

أكمل التدوينه

اسيرة

تفوه بكلمات جرحت  لي قلبي 
قابلت كلماته بابتسامة علي ثغري
ولكن قلبي ينزف ويبكى 
لا يعلم كم احبه واهواه 
تفوه بكلمات يظن انها ستجعلنى حرة 
افعل ما اشاء
وهو لا يعلم انى اسيرة حبه 
مقيده به لا استطيع الفرار
اخذ قلبي و روحى  معه 
وطلب منى ان انساه 
كيف هذا ؟؟وقد اخدت روحى 
كيف احيا وقد اصبحت جسد بلا روح  
واصبحت كالاحياء الاموات 
فجسدى يتحرك و روحى قد هربت 
مع تحياتى : 
     هــيــامــ ســالــمــ

أكمل التدوينه

روح زوجتى 30 .... والاخيرة

محسن قاعد يرن علي رامز مش بيرد علي احمد برضو مش بيرد

 محسن واقف ماسك اعصابه وبيحاول يتماسك عشان سوسن متحسش واخر محاولة كانت علي تلفون ريهام برضو محدش بيرد ... اتظاهر محسن انو بيكلم رامز واطمن عليه

محسن(مبتسم ): الو ... ازيك يابنى ؟ .... الحمدلله امك كويسة .... لا كنت قلقان وبطمن عليك .... طيب خد بالك من نفسك ... زرت ريهام ؟؟؟.... وعاملة ايه هى واحمد واحلام ؟؟؟....بجد ؟؟ .... طيب انا هقول لامك وهانيجى عندكم ...مع السلامة يابنى

قفل محسن التلفون وهو بيفكر ياتري لو راح هيلاقي ايه ؟؟.. قلبو مش مطمن هو كمان بس كان بيحاول يطمن نفسو ...بس دلوقتى مش هينفع ...دخل محسن علي سوسن وهى كانت بتسلم استناها لحد ما خلصت ولسه هيكلم لفت سوسن عليه

سوسن(بلهفة): رامز رد قالك ايه؟

محسن(بهدوء): بيقولي اجى انا وانتى عشان ريهام مش راضية تسيبو وعيزانا نروح نقعد معاهم

قامت سوسن بسرعة تلبس وتحضر هدوم بسيطة ليهم

رامز قاعد في الشقة القديمة وماسك احلام بيحاول يلعب معاها بس كل شوية يشوف منظر ريهام وهى بتصرخ وشكل عنيها وهى بتتغير قدامو فاق رامز من شروده علي لمسة خفيفة من ايد احلام وهى بتحط ايدها علي وشو ...قام رامز وقرر انو يرجع تانى

وفي بيت احمد.... احمد علي الارض وهو مصدوم من اللي حصل قدامو

احمد(مع نفسو): للدرجة دى سيطرت عليها .. مراتى هت...

هز احمد راسو قبل ما يكمل الكلمة ورفع راسو للشيخ

الشيخ (بهدوء): محدش منكم يقرب منها ... لازم تتاكدو انها مربوطة كويس

دينا من اللي شافتو بدات تتعب فخرجت برا عشان خافت تعطلهم واكتفت بالدعاء لريهام ...رامز طالع بحذر للشقة لانو كان خايف يكون حاجة حصلت بس وقف مكانو مرعوب وبيتالم لما سمع صوت ريهام ومن خوفه علي احلام اخدها في حضنه اكتر واكتر ... وبهدوء دخل للشقة .. لاقي دينا قاعده بتعيط وكل ما ريهام تصرخ هى تترعب وتعيط اكتر

دخل رامز الشقة وبصوت واطي

رامز:بيحصل ايه جوا؟

دينا(بتعيط): ريهام مش عارفة مالها وقاعده بتصرخ ده كانت هتموت احمد بس الشيخ بعدو عنها في اخر لحظة

بص رامز للاوضة وقرر انو لازم يدخل ادى احلام لدينا وقرب من الاوضة وفتحتها بهدوء ودخل

كانت الاوضة كانت بارده و مضلمة اكنها مفهاش حياه واحمد واقف بياكد علي الحبال هو ومحمود والشيخ مبطلش قراية قران

محدش كان منتبه لرامز ....رامز حس انهم مش واخدين بالهم منو فحس ان وجوده ممكن يعطلهم فخرج برا واخد احلام من دينا وفضل يدعى  ... بعد مرور نص ساعة لاحظ رامز ان دينا تعبانة

رامز(بهدوء): حضرتك كويسة يا مدام دينا؟

دينا(بتعب): مش عارفة

رامز(بهدوء): طيب لو اقدر اعملك حاجة قوليلي

دينا(بتعب): ل...

مكملتش دينا الكلمة الا وهى بتصرخ

بس صوتها كان مش مسموع بسبب قوة صوت ريهام ...رامز مش عارف يعمل ايه كان ماسك احلام في ايدو وبيجري بيها يمين وشمال وبيحاول يحتوى الموقف اللي هو فيه ملاقش غير انو ياخدها بنفسو علي اقرب  مستشفي

حاول رامز يرفعها معرفش لحد ما لاقي سوسن ومحسن قدامو وعليهم  دهشة وخوف

دخلت سوسن تجري علي دينا تحاول ترفعها

سوسن(بتصرخ): تعالي يامحسن ساعدنى بسرعة

جري محسن ورفع دينا معاها ونزلو ووراهم رامز وهم لسه علي السلم ودينا بتصرخ وسوسن بتحاول تهديها سمعو صوت صرخة ريهام وقفت سوسن ووشها اصفر,,, ولسة هتسيب ايد دينا رامز صرخ فيها

رامز :خدى بالك

انتبهت سوسن لدينا وبقت نازلة علي السلم وهى بتعيط وبتبص وراها لحد ما وصلو للعربية ودخلو دينا وهى بتعيط وبتصرخ ... لف محسن عشان يركب العربية لاقي سوسن راجعة لريهام

محسن: سوسن

لف سوسن وهى بتعيط

سوسن:بنتى محتجانى

محسن : معاها اللي يساعدها وواقف جمبها ..المسكينة دى محتجانا اكتر

بصت  سوسن  للبيت ورجعت بصت لدينا اللي بتعيط وتصرخ بصت لاحلام ورامز اللي مستنيها تدخل وتساعدها وهى قلبها بيوجعها ...رجعت سوسن للعربية وهى بتدعى لريهام انو يحميها

سوسن(بتعيط)ليه يابنى ماقولتش علي اللي حصل ؟؟

رامز كان ساكت من الصدمة

رامز(مع نفسو): كل ده حصل في يوم واحد .... لو بابا اللي كان راح عشان يطمن علي البيت مكنتش عرفت اجى لريهام ومعايا ماما  لان بابا مش بيسيب العربية لحد  ... كانت دينا حصلها حاجة لان محدش عرف يسمع صوتها .. ومكنش حد عرف يساعدها ... محسن بيسوق بسرعة.... وسوسن ماسكة في ايد دينا وبتهديها لما تصرخ .... رامز ماسك احلام بين ايديه وهو خايف

امر الشيخ احمد ومحمود يطلعو برا وهو هيبقي لواحدو معاها محمود طلع عشان يطمن علي دينا واحمد وقف عند الباب وقبل ما يخرج بص لريهام اللي فضل صراخها مستمر وقبل ما يخرج لاقاها بتقول بتهديد

رانيا (مهدده): مش هسيبك .. هنتقم

احمد فضل ساكت وبصلها ... وخرج بحزن علي اللي بيحصل معاه فاق احمد علي صوت محمود المرعوب وهو بيسال علي دينا

محمود(مرتبك): ااا...احمد مشوفتش دينا ؟

احمد(بقلق): لا

محمود(بخوف): دى خرجت من الاوضة قدامى ولما طلعت ملقتهاش طلعت فوق برضو ملقتهاش

قلق احمد

احمد(مع نفسو): معقول ممكن تكون السبب ؟ طب ازاي وهى لسه جوا

قام احمد يدور عليها ومعاه محمود نزلو الشارع يدورو عليها مفيش اثر لحد ما راحو سوبر ماركت قدام العمارة بتاعتهم يسالو عليها وقبل ما يسالو

عم حسين(بتعجب): ايه ده يا استاذ محمود انت مروحتش مع الاستاذة لدينا ليه المستشفي

صعق محمود من كلامو

محمود(بخوف): مستشفى ايه ؟؟؟ هو ايه اللي حصل ؟

عم حسين(بخوف): اصلي شوفتها مع راجل وست كبار ومعاهم شاب وبنت حضرتك يا استاذ احمد

وهى كانت بتصرخ

قلق محمود ومعرفش يعمل ايه ومش عرف هم في اي مستشفي

وفي المستشفي رامز واقف ماسك احلام اللي نايمة علي ايدو وسوسن واقفة تدعى لريهام ومحسن ماسك مصحف صغير بيقرا فيه ... قطع قلقهم صوت موبايل رامز بص رامز لمحسن وطلب منو يطلع الموبايل من جيبو عشان مش هيعرف لان احلام علي ايدو

قام محسن واخد الموبايل ولما شاف الاسم خاف بس اتشجع ورد

محسن(بتردد):االو

احمد(بلهفة): ايوة يابابا  دي....

مكملش احمد كلامو لان محمود اخد التلفون منه بسرعة

محمود(بخوف): ايوة يا عمى دينا معاك ؟

محسن: اه يابنى

محمود(بسعاده): الحمد لله .. طب هى عاملة ايه وانتو فين ؟

محسن : هى لسه في العمليات واحنا في مستشفي ...

محمود: طيب انا جاي حالا

قفل محمود وادى الموبايل لاحمد

احمد(بتردد): انا جاي معاك

وقف محمود

محمود(بامتنان): مراتك محتجاك وكفاية  اللي اهلك عملوه معايا .. انا عارف انك مش قادر تسيبها وبتحاول تردلي اللي حصل النهارده بس عايز افكرك اننا اخوات قبل جيران ولو عايز ياسيدى ترد اللي حصل رده في يوم تانى .. اطلع لريهام ربنا يقومها بالسلامة

احمد(بابتسامة  حزينة): ربنا يقوم مراتك بالسلامة

لف احمد طلع ومحمود راح لدينا

احمد واقف برا الباب مرة يسمع صوت ريهام بتعيط وساعات يسمع صرخة  لرانيا .. كان قلبو بيوجعه لما يسمع عياط ريهام وهى بتقول كفاية مش قادرة ويرجع يصبر نفسو لما يلاقي رانيا بتهدد

في المستشفي محمود بيجري وسال علي دينا وطلع لحد ما وصل لاوضة العمليات وهو قلقان

محمود(بقلق): لسه مطلعتش ؟

سوسن(بقلق): لايابنى اول مرة بتكون صعبة ربنا يسهل ان شاء الله

حس محمود في كلام سوسن بانكسار وحزن وقلق علي ريهام

محمود: ريهام هتبقي كويسة يا حاجة متقلقيش

سوسن(بقلق): طب هى حصلها ايه ؟

سكت محمود لانو ميعرفش ايه سبب ده كلو بس اكتفي بابتسامة هادية

محمود: متخافيش هتبقي كويسة

وعند احمد مقدرش يصبر وراح جري يفتح الباب شافها و هى بتصرخ  و بتترفع من علي السرير والشيخ بيقرا بصوت عالي وبيرفع صوتو اكتر واكتر لحد ما وقعت علي السرير وسكتت

رامز وسوسن محسن ومحمود واقفين قلقانين لحد ما محمود سمع صوت عياط طفل فضل صرخ ويتنطط وسوسن ومحسن ورامز يبركولو

خرجت الممرضة ومعاها الطفل وهى بتقول

الممرضة : ماشاء الله يااستاذ جالك بنت زى القمر

ااخدها محمود من ايدها وبصلها وبعدها بسها

محمود: مراتى عاملة ايه .؟

الممرضة : هى كويسة وطالعة حالا بس تفوق من البينج

خرجت الدكتورة اللي كانت بتولد دينا وهى بترفع الكمامة من علي وشها وبتشيل الجوانتى ومبتسة لمحمود ولسوسن ورامز ومحسن وبتقول مبروك

وبعد سنة

احمد وريهام قاعدين في جنينة  واحلام قاعده تلعب وتجري عليهم تبوسهم وترجع تلعب

دينا ومحمود قاعدين يلعبو مع بنتهم ملاك وقاعدين يخططو في ورقة هيعملو ايه

رامز رايح المستشفي اللي دينا راحت عليها وهى بتولد ولابس دبلة في ايدو ومعاه ورد وداخل مكتب دكتورة وهو بيضحك

محسن وسوسن بقو لواحدهم وعشان كده ريهام جابتهم يقعدو معاهم في البيت الجديد

احمد ومحمد فتحو شركة خاصة بيهم وكبرت وبقت معروفة في السوق

رامز داخل مكتب جديد وقاعد فيه وداخل عليه احمد ومحمد بيباركولو علي الشغل معاهم

احمد رد جميل محمود بانو دخلو شريك معاه في الشركة براس المال 

                                                                               وبكده تمت رواية روح زوجتى 

                                                                                                              مع تحياتى:

                                                                                                                       هـــيـــامـــ ســـالـــمـــ

أكمل التدوينه