رامى: اكيد اتفضل اشرحلى وانا هقولك تعمل ايه
بدا احمد يشرح اللي حصل مع ريهام في اليوم ده ورامى بيسمع لاحمد
بتركيز وبعد ما احمد خلص
رامى(بجدية) : من اللي حضرتك حكيتو انا عندى تشخيصين ... واحد منهم
انها مرهقة نفسيا وده مش مخليها تركز نهائي فبالتالي اللي بتعملو بتنساه .. او دى
اعراض مرض الزهايمر وده لازم ليه اشعة
احمد(بقلق):طيب اعمل ايه عشان اعرف
رامى :هتهالي وانا هعملها الفحوصات اللازمة واطمنك
احمد خرج من عند الدكتور وهو شبه قلقان خايف تكون ريهام هتنساه وتنسي
بنتهم ....ومع الافكار دى احمد لاقي نفسو قدام مكتب محمد خبط ودخل
محمد(مبتسم): اهلا .. ازيك يا ابوحميد ؟
احمد(بضيق): عايش
محمد(بقلق): مالك يابنى ؟
احمد(بضيق ): والله ما انا عارف يا محمد في ايه
محمد(بقلق): طب احكيلي اللي حصل يمكن اعرف ساعدك
احمد(بضيق ): لما اطمن الاول هحكيلك
محمد(باستسلام): زى م انت عايز .. المهم تطمنى عليك
احمد(بهدوء): ان شاء الله .... ودلوقتى كنت عايزنة في ايه ؟
بدا محمد يشرح لاحمد .... وفي مكان تانى
دينا طالعة بصنية في عصير وريهام قاعده بتسكت في احلام اللي مبطلتش
عياط من بعد ماصحيت
دينا(بهدوء): مالها ياريهام دى مبطلتش عياط لحسن تكون تعبانة
ريهام(بضيق): مش عارفة مالها يا دينا .. والله خايفة تكون تعبانة
دينا (بهدوء): طيب لما احمد يجى خليه ياخدها لدكتور
ريهام(بضيق): رامز جاي النهارده وماشي ...لو هى مسكتتش هنروح لدكتور
بالليل
بصت ريهام للساعة وقامت وهى ماسكة احلام في ايدها
ريهام: انا هنزل بقي عشان احضر الاكل
دينا : طب سيبي احلام عندى عشا ن تعرفي تخلصي
ريهام :ربنا يخليكى .. طب خدى بالك منها ولو تعبتك نزليها
دينا : عيب عليكى ده احنا اخوات .. ومتخفيش دى فى عينى ومش هتتعبنى
ولا حاجة ..انزلي انتى وخلصي اللي وراكى
نزلت احلام تعمل الاكل وترتب البيت
وعند مكتب محمد
احمد: طيب خلاص انت اعمل كل المطلوب ومعلش هتقل عليك لحد ما اخلص اللي
ورايا
محمد: مش مهم , اللي كان مهم عندى هو رايك وطالما كده يبقي هبدا من
النهارده
احمد: خلاص ماشي , وا..
قطع كلام احمد صوت الموبايل
احمد: الو...الحمد لله ... لا انا برا ...طيب خلاص هقابلك ....يلا
سلام
قفل احمد واتصل علي ريهام عشان يعرفها ان رامز وصل وهيجى معاه ...
استاذن احمد من محمد ونزل عشان يقابل رامز وهم في الطريق
رامز : هو انت وريهام متشاكلين
احمد(بتعجب): لا , ليه ؟
رامز : امبارح اتصلت عليها وفتحت عليا فضلت اقول الو الو ومحدش رد ,
بس كنت سامع صوت نفسها .. ولما قفلت وانتصلت تانى ردت عليا عادى جدا . ولما سالتها
قالت انها لسه سامعة التلفون ومفيش حد اتصل بيها
احمد: كانت تعبانة ومش مركزة
رامز : هى حكتلك ؟
احمد: لا انا كنت موجود وقتها
رامز(بتعجب): امال هى ليه قالتلي انك برا
احمد(بضيق): انا روحت سالت دكتور وقالي اجيبها عشان اعملها شوية
فحوصات
رامز(بقلق):طب مقلقش ممكن يكون عندها ايه ؟؟
احمد(بضيق):ممكن حالة نفسية خالتها متركزش في اللي بتعملو او اللي
بيحصل حوليها عشان كده نسيت انو حصل
رامز:طب هى كويسة النهارده ؟
احمد: اه انا سايبها كويسة
وعند بيت محسن
سوسن قاعده ساكتة وباين علي وشها القلق
محسن : مالك؟
سوسن (بقلق): قلبي مش مستريح خايفة
محسن: من ايه ؟
سوسن : حاسة ان حاجة هتحصل لحد من الولاد
محسن: مهو رامز اتصل وطمنا انو وصل وكلم احمد عشان يروحو لريهام ..
وريهام احمد واخد بالو منها كويس
سوسن(بقلق): لا انا مش مطمنة يا محسن انا عايزة اروح لولادى
محسن :طيب اهدى انا هتصل بيهم
واطمن عليهم
وعند احمد
كان احمد ورامز وريهام قاعدين بياكلو بعد ما سلم رامز علي ريهام واطمن
عليها وبعد ما خلصو قامت ريهام تحضر الشاي لرامز واحمد ... واثناء ما هى بتحضر
الشاي
احمد: ريهام هى احلام هتفضل فوق كتير كده ؟
ريهام : لا انا طالعة اجيبها عشان رامز يشوفها قبل ما يمشي
رامز: اه عشان خاطري هاتيها بسرعة .. وحشتنى اوى
احمد(بخبث): مش ناوى
رامز: علي ايه؟
احمد: تتجوز وتجيبلك كام عيل تفرح وتفرحنا بيهم
رامز: ياريت بس الاقي بنت الحلال اللي احبها وتحبنى
احمد: ان شاء الله هتلاقيها
طلعت ريهام وهى بتضحك علي احمد ورامز
ريهام : كملو انتو وانا هطلع اجيب احلام
طلعت ريهام عشان تاخد احلام من دينا
ريهام: شكرا يا دينا تعبتك معايا
دينا : يابت مش قولتلك انتى زى اختى وكمان انتى عارفة احلام بحبها قد
ايه
ريهام : عارفة والله .. هى معيطتش ؟
دينا : لا كانت هادية
ريهام : طب الحمد لله . انا هنزل عشان خالها نفسو يشوفها
دينا : طيب ماشي , نكمل بعدين
نزلت ريهام ومعاها احلام .. رامز اول ما شف احلام قام ياخدها وفضل
يلعب معاها ويضحك معاها واحمد بيضحك عليه وهو بيتصرف زى الاطفال مع احلام ... احمد
ساب كل ده وفضل يبص لريهام وهى قاعده تضحك
وهم قاعدين في حاجة وقعت في المطبخ قامت ريهام تشوففي ايه ورجعت تانى
واول ما قعدت بدا احلام تعيط ورامز مش عارف مالها حاول احمد معاها
معرفش قربت منها ريها زاد عياط احلام كان شكلها خايف ... احمد بص لاحلام وبص
لريهام ووقتها فهم كل حاجة بس خاف يتصرف تصرف يضر اي حد بس قبل ما يبعد احلام
عنها ريهام ظهرت علي حقيقتها وظرخت في
احلام بطريقة مرعبة ... رامز وقف وهو مرعوب من الصوت
واحمد ماسك احلام وهو خايف عليها .. وبرضو خايف علي ريهام .. مش عارف
يعمل .. قام احمد وقف وقرب من رامز اللي كان واقع في الارض من الرعب ومش قادر يقف
من منظر عين ريهام المرعبة .. شدو احمد و وقفو وادالو احلام
احمد(بصوت منخفض): انت تاخد احلام وتختفي من هنا وانا هتصرف
رامز(برعب): ب ب .. بس
احمد(بغضب): انت لسه هتبسبس بسرعة
رامز قام يجري وهو ماسك احلام .... واحمد واقف قدام ريهام اللي وقعت
علي الارض وهى بتضحك بطريقة هستيرية مخيفة ... مكنش عارف يعمل ايه بس افتكر الشيخ
وبكل هدوء بدا يطلع الموبايل ويخبيه ورا ضهرو وضغط علي رقم لمده طويلة عشان يرن
علي الشيخ وبدا يتكلم مع ريهام بصوت عالي
احمد(بتردد): ر ريهام
كانت ريهام بتبصلو بنظرات ملهاش معنى اكنها في عالم من الفراغ ومفيش
اي شئ في علقها ... بس لما سمعت اسم ريهام بدا تصرخ .... احمد خاف وبدا يشاورلها
انها تهدى
احمد: بس يا روحى مالك ؟؟ اهدى ... انا احمد حبيبك .. نستينى
بدات ريهام تصرخ بالم وشوية تضحك لحد ما اغمي عليها .. احمد استغل
الفرصة دى وربطها من ايدها ورجلها حطها علي السرير
وشوية لاقي الشيخ داخل عليه ووراه دينا ومحمود اللي سمعو الصوت وخافو
يدخلو بس لما شافو الشيخ دخلو معاه
احمد(مرتبك): دخلتو ازاي ؟
الشيخ : الباب كان مفتوح .. حصل ايه ؟
احمد(مرتبك): عملتها ومسابتش مراتى في حالها ..اتصرف مراتى هتروح منى
فاقت ريهام وفتحت عنها
ريهام (بتعب): انا فين ؟
0 التعليقات:
إرسال تعليق
ارجو التعليق للاستفاده من ارائكم