روح زوجتى 25

قعد احمد وهو فرحان ان كل اللي مر بيه ده مجرد كابوس ومحكهوش لحد ولا حتى لريهام
 كان محسن وسوسن ورامز قاعدين واحمد ماسك احلام حاضنها لحد ما معاد الزيارة اتنهى ومشيو وفضلت ريهام موجوده معاه ونامو
تانى يوم صحى احمد عشان يستعد يروح مع بنتو ومراتو .... نزل احمد وريهام ماسكة ايدو ورامز ماسك احلام ومحسن وسوسن سبقوهم علي تحت... ركب احمد العربية معاهم جمب ريهام وحاطط احلام علي رجلو
وصلو لحد البيت ومحسن وسوسن ورامز هيروحو
احمد(بتعب): خليكو معانا شوية
ابتسم محسن
محسن (بهدوء): يوم تانى يا بنى لازم ترتاح ...و احنا ورانا سفر
اتعجب احمد من كلام محسن وهز راسو بالموافقة
احمد (بتعب): طيب بس المرة الجاية هتباتو عندنا
ابتسم محسن وهز راسو بالموافقة ومشي.... لف احمد لريهام اللي كانت ماسكة احلام
احمد(بتعجب):هو بابا مسافر فين؟؟؟
سكتت ريهام وبدا يظهر عليها علامات الحزن.. انتبه احمد لريهام
احمد (بتعب ): لما نطلع عايزك تحكيلي كل اللي حصل بعد الحادثة
حركت ريهام راسها ومسكت ايد احمد وطلعو... دخل احمد البيت فضل يبص ليه وهو مبتسم ودخل قعد علي الكنبة هو وريهام واحلام علي رجلو نايمة
احمد (بلهفة ): احكيلي كل حاجة حصلت
ريهام (بهدوء): مش ترتاح
احمد (بحب): انا مرتاح وانتى جمبي
ابتسمت ريهام وبدات تحكى اللي حصل
ريهام (بهدوء): بعد الحادثة انا طلبت ينقلونى معاك فى نفس الاوضة كنت مستنية انك تقوم وتنادى عليا بس محصلش وبعد 3 ايام من الحادثة بدات حالتك تدهور اكتر وبدا يظهر عليك اعراض غريبة دقات قلبك بقت سريعة و صوت نفسك مسموع ولون عينك اتغير وبقي مرعب لما بتفتحها وبقيت تصرخ وتهجم علي اي حد يقرب منك وعشان كده طلبو انهم يربطوك ف السرير عشان مش تاذي حد ... كنت ديما تضحك بشكل غريب و بدون سبب ولو معملتش اي حاجة من دول كنت علي طول نايم ومش بتتحرك .....كان بابا وماما معاك علي طول بس مكناش عارفين نتاقلم مع الوضع عشان كنا عايزين حد يعمل الاكل ويهتم ب احلام وبابا كان لازم يروح مشاوير عشان الارض بتاعتو عشان ياخد الفلوس ويعرف يدفع للمستشفي ... لحد ما في يوم لاقينا محمد صاحبك جايب رامز لحد البيت وبيحاول يصالحو علي بابا وماما ومن يومها رامز بقى معانا وبيساعدنا .... وفي بعض الاحيان كانت دينا ومحمود بيجو يساعدونا .... بس في فترة مرت علي بابا وماما ف البيت كانو بيحسو بحاجة معاهم في البيت قالو عادى دى تخيلات لحد ما فى يوم لاقو احلام واقعة علي الارض وقاعده تعيط وهن...
احمد قطع كلام ريهام
احمد(بصدمة ): احلام وقعت علي الارض ؟
ريهام (بتردد): اه وقعت بس والله ما كان في اهمال ماما حطتها علي سريرها وخرجت ومرة واحده لاقتها بتعيط وواقعة قدام السرير الكبير
سكت احمد وهو مصدوم وبدا يفكر مع نفسو
احمد:معنى كده ان اللي كنت بحلم بيه كان حقيقة مش كابوس
قطع شرود احمد صوت ريهام وهى بتنادى عليه
ريهام (بقلق): انت كويس ؟
ابتسم احمد وباس راسها
احمد (بهدوء): عندك حق مش قادر اكمل ... تعالي ننام وبعد ما نصحى نكمل
ريهام (بقلق): انت زعلت ؟
ابتسم احمد
احمد (بهدوء): لا يا حبيبتى ... مش يلا بقي
ابتسمت ريهام
ريهام (مبتسمة ): طيب هروح انيم احلام وانت تدخل تستحمي مش تنام
ضحك احمد وحط ايدو علي راسو لانو كان ناسي
احمد(بسخرية ): حتى وانا تعبان مش سيبانى ف حالي
ريهام حطت ايدها فى وسطها وعاملة نفسها زعلانة
ريهام (مصتنعة الحزن): بقي كده ياسي احمد بتتريق عليا
ضحك احمد واخدها فى حضنه وباسها من راسها وبعد عنها شوية وهو بيبص في عنيها
احمد(بحب):بحبك
ابتسمت ريهام وحضنتو وبعدت عنو وهى راسمة علي وشها ملامح جد
ريهام : قوم استحمى مش بكلمة هتاخد بعقلي حلاوة
احمد : ههههههههههههههههه ماشي ماشي انا رايح اهو استنى ابوس احلام النايمة دى
اخدت ريهام احلام بعد ما احمد باسها ونيمتها في السرير اللي ف الاوضة بتاعتهم وبدات تحضر اكل لاحمد عشان ياكل قبل ما ينام وهى بتحط الاكل علي السفرة لاقت الباب بيخبط كان وقتها احمد خلص وخرج سمع صوت ريهام بترحب بناس خرج احمد يشوف مين وابتسم لما شافهم
احمد (بسعاده ): اهلا