رنيا(بتعيط):يعنى ايه ؟
احمد(بهدوء): يعنى انتى فسرتى كل حاجة علي حسب مزاجك ومش اخدتى بالك
من اللي بيحصل حواليكى
ولو كنتى استنيى شوية كنتى عرفتى انى هعلن خطوبتى علي ريهام بعد
النتيجة انا بحب ريهام بحبها وعايزها تكون مراتى .... انا بعزك زى اخت لو احتجتى
مساعدة هتلاقينى جمبك
احمد(بحزن): بعد اعلان خطوبتى وبعد ما لبسنا الدبل باسبوع عرفت انها
انتحرت
الشيخ: لاحول ولا قوة الا بالله
احمد: انا عمري ما قولتلها كلمة تخليها تظن انى بحبها ابدا والله حتى
كل اصحابنا كانو عارفين انى بحب مراتى
الشيخ : لازم تاخد بالك منها هى وبنتك
احمد(بتقلق): يعنى ايه ؟
الشيخ : هى مش هتطلع من بسهولة كده لازم تكون معاك هتدخل لاقرب حد ليك
... مراتك او بنتك
احمد(بتعجب): يعنى اللي كانت عليا دى روحها ؟؟؟
الشيخ : ايوة يا بنى هيئتلك جو عشان تظن ان مراتك هى اللي ماتت ...
وبعد كده ظهرتلك علي اساس انها مراتك
بس هى نسيت انانيتها وبدات تظهر علي حقيقتها ...... لازم تنهى الموضوع
ده يابنى اول ما تحس باي حاجة غير طبيعية اتصلي علي طول وانا هجيلك باسرع وقت ممكن
.... ده رقمى
احمد اخد الرقم واستاذن لان كلام الشيخ قلقلو
احمد(مع نفسو):وانا اللي بقول ده حلم ... يعنى كده مش اسيب ريهام ولا
احلام تانى
وصل احمد البيت اول ما دخل لاقي البيت هادى و ريهام مستياه ومحضرة الاكل
وصل احمد البيت اول ما دخل لاقي البيت هادى و ريهام مستياه ومحضرة الاكل
ريهام (بهدوء ): اتاخرت ليه ؟
سكت احمد واتعجب من سؤال ريهام
احمد(مع نفسو): دى اول مرة في حياتها تسالنى من ساعة ما اتجوزنا انا
اتاخرت ليه
ريهام(ببرود): سرحت في ايه ؟
احمد(بهدوء): ولا حاجة الظاهر لسه تعبان
ريهام (ببرود): طيب تعالي عشان ناكل
احمد(بقلق): احلام فين؟
ريهام (ببرود): كنت مشغولة وخوفت اسيبها لواحدها تلعب فطلعتها لدينا
ودينا عيزاها تقعد معاها لحد بكرة
احمد(بحزم): طيب لما يجى معاد النوم اطلعى هاتيها , احلام متنامش برا
البيت
ريهام (بهدوء):حاضر
دخل احمد يغير هدومو وريهام قعدت تستناه..... وفي مكان تانى
رامز:ايه اخبار الشقة يا بابا؟
محسن : بدات تخلص .. وعايزك بكرة تروح تشوف ايه الاخبار عشان تعبت من
السفر
سوسن داخلة وهى بتحط صنية الشاي
سوسن: وابقي عدى علي ريهام اطمن عليها
رامز(مبتسم): حاضر يا ماما
وفي بيت ريهام احمد قاعد في الاوضة وبيفكر في كلام الشيخ وهو قاعد
افتكر محمد قام يجري علي التلفون
احمد:الو ....ازيك يا محمد ؟.....الحمد لله .....لا مفيش ده انا كنت
افتكرت حاجة مهمة لازم اعمل.....
سكت احمد لما لاقي ريهام فلحظة قدامو ..فضل يبصلها
احمد(بتردد):اه اه معاك يا محمد .....طيب خلاص انا هجيلك بكرة ان شاء
الله نتكلم وتقولي انت بتفكر في ايه
قفل احمد مع محمد وهو بيبص لريهام باستغراب
احمد (بهدوء): مالك ؟
ريهام (بهدوء): مفيش .... كنت بحسبك بتكلم ماما بابا اصلهم وحشونى
احمد(مبتسم): ان شاء الله هعزمهم عندنا بس اخلص شوية مواضيع
ريهام(بهدوء): كويس .. بس ابقي قولي قبلها عشان اعرف هعمل ايه يومها
احمد(بهدوء): ما...
قطع كلام احمد وريهام صوت موبايل ريهام ... وكل هدوء سابت احمد وراحت
ترد عليه ... فتحت الخط وفضلت ساكتة
وفي مكان تانى عند
رامز : الو..... الو .... ريهام .... ريهام .... الو.... الو
استغرب رامز وقفل الخط ورجع يتصل تانى
وفي بيت احمد .
احمد : مين ياريهام ؟
ريهام :.....
احمد: ريها....
قطع كلامو صوت الموبايل بيرن تانى رفعت ريهام الموبايل وفتحت الخط
ريهام (بسعاده ): راااااااااااااامز..... وانت كمان وحشتنى .... لا
مسمعتش حاجة بترن ..... انت متاكد؟.... يابنى انا لسة ساعة الموبايل دلوقتى
...احمد برا ....مش عارفة ... لما يرجع هقولو ... المهم طمنى عليك .... بجد؟؟؟
خلاص انا هقول لاحمد عشان مش يخرج بكرة... ماشي ... مع السلامة
احمد كان بيسمع المكالمة باندهاش ...اول ما ريهام خلصت المكالمة بتلف
راحت مصرخة
ريهام (برعب ):احمــــــــــــــــــــــد !!!!.... انت هنا من امتى ؟
احمد(بتعجب): من فترة ؟
ريهام : ازاي ؟ مش انت قولت انك نازل ؟
احمد(بتعجب): ما انا نزلت ورجعت تانى
ريهام راحت تبص علي الساعة وصعقت لما لاقت الساعة 11 باللليل
ريهام : اا ...اانت هنا من امتى ؟
احمد (بقلق): مالك ياروحى ... ما انتى كنتى كويسة من شوية
ريهام : انا متاكده انك لسه ماشي من شوية ... ازا..
قطع كلام ريهام صوت جرس الباب ... راح احمد عند الباب وفتح و لاقي
دينا قدامو شايلة احلام وهى نايمة علي ايدها ...اول ما ريهام شافتها طلعت تجري
عليها
ريهام (مرتبكة): د د .. دينا ... مش انا لسه مطلعالك احلام من شوية ؟
بصتلها دينا بتعجب وبصلت لاحمد عايزة تعرف في ايه بس احمد بصلها انو
مش فاهم اللي بيحصل
دينا : لا انتى جبتيلي احلام من الصبح ... ده انا حتى استغربت انك
مطلعتيش تاخديها زى ما قولتى لما جبتيها .. فنزلت انا
بدات ريهام تبصلهم وتعيط ودخلت الشقة وهى مرتبكة وبتحاول تاكدلهم ...
دخلت علي الطبخ عشان توريهم الاكل اللي كانت محضراه عشان تتطبخو بس لاقتو مطبوخ
واتاكل
ريهام (بتعيط ): انا متاكده انك لسه نازل من شوية .....ده انا دخلت
اخد شاور وخرجت لاقيت رامز بيكلمنى
مش معقول اكون كل الوقت ده جوا
قرب احمد منها وهو بيطبطب عليها ودينا دخلت وهى ماسكة احلام . سابت
احمد مع ريهام ودخلت حطت احلام علي الكنبة وجمبها مخده عشان متقعش ... وقربت من
ريهام وهى بتحاول تهديها
دينا : مش ممكن تكونى مرهقة الايام دى عشان كده بقيتى مش مركزة
ريهام(بتعيط): يقوم انسي يوم كامل
ريهام : بتحصل ياحبيبتى ثانيا مش دى اول مرة تحصل معاكى
ريهام : اه
دينا خلاص يبقي متقلقيش ...لو اتكررت ابقي اقلقي لكن دلوقتى مفيش
مشكلة
بصت ريهام لدينا واحمد وهزت راسها ... واستاذنت دينا وطلعت .. واحمد
بيبص لريهام وهو مبتسم عشان يطمنها
احمد: يلا ياحبيبتى عشان ننام
ريهام (باستسلام ): حاضر
قامت ريهام واحمد راح يشيل احلام ومشي معاه لحد الاضة ونيمو احلام
وراحو عشان ينامو ... ريهام من كتر ما الصدمة ماثرة فيها نامت علي طول ... بس احمد
فضل طول الليل صاحي بيفكر ايه سبب اللي حصل لريهام
احمد(مع نفسو): تصرفاتها كانت طبيعية لما كانت بتكلم رامز بس ليه لما
الموبايل رن اول مرة فتحت ومتكلمتش ولما
سالتها مردتش ...
قام احمد من مكانو وراح يشوف مين اللي اتصل قبل رامز وصعق لما شاف انو
رامز اللي اتصل مرتين
احمد: طب ليه مقالتش انها ردت وقالت انها لسه سامعة الموبايل
دلوقتى ؟؟؟؟
فضل احمد طول الليل صاحى مش عارف ينام واول ما صحى الصبح قام لبس
ريهام (بتعجب): رايح فين يا احمد؟
احمد(بهدوء) : رايح مشوار مهم
ريهام (مبتسمة): طب متتاخرش متنساش رامز جاي النهارده
احمد(مبتسم ): حاضر ياروحى
... هرجع بسرعة
راح احمد علي احلام اللي قاعده علي الارض بتلعب وراح رافعها وباسها
... كانت ريهام مرقباه ومبتسمة
ومش مصدقة نفسها ان احمد رجعلها تانى واسرتها اجتمعت من تانى ...
راحلها احمد وباسها من راسها وهو مبتسم
احمد: مش هترتبي هدومى قبل ما اخرج ؟
ريهام (مبتسمة ): اكيد
خرج احمد بعد ما سلم علي ريهام واول حاجة عملها راح المستشفي وسال علي
حد يقدر يساعدو في اعراض مرض معين ووصلو لدكتور مخ واعصاب الدكتور رامى
راح احمد عند مكتبو وخبط وبعد شوية اتسمحلو بالدخول ... دخل احمد
واستقبلو رمى
رامى: اهلا وسهلا بحضرتك
احمد: اهلا بيك
رامى : اتفضل قول مشكلتك
احمد: بصراحة هى مش مشكلتى هى مشكلة مراتى وانا عايز اطمن عليها عشان
كده جيت اسال وعايز حضرتك تفيدنى اعمل ايه
رامى : ....
0 التعليقات:
إرسال تعليق
ارجو التعليق للاستفاده من ارائكم