روح زوجتى 27

ريهام واحمد قاعدين في الاوضة وريهام ماسكة الجواب وبتقرا فيه وهى بتعيط واحمد ساكت

ريهام (بتعيط): مكنتش عايزة اكسر فرحتك ... بس لما سكت كنت هتروح منى

احمد(بهدوء): انا مش بتكلم علي لو انك لو كنتى قولتى مكنتش دخلت في غيبوبة

ولو مكناش خرجنا كانت هتحصل هتحصل ... انا بتكلم علي انك اول مرة في حياتك متقوليش اللي بيدور في قلبك .. انا وقتها مكنتش هخاف علي نفسي ... كنت هخاف عليكى انتى

قرب احمد من ريهام وحضنها وباسها من راسها

احمد: لو كان حصلك حاجة كان روحت فيها .. انا مقدرش اعيش من غيرك

وبحمد ربنا ان ده حصلي انا مش انتى ... بعد كده لما تحسي بحاجة قوليلي

هزت ريهام راسها بحزن ... رفع احمد وشها وهو مبتسم

احمد(مبتسم): لا بجد زعلك وحش زى ما قولتى

ضحكت ريهام ودموعها كانت بتنزل علي وشها ... مد احمد ايدو ومسح دموعها

احمد(بحنان): متزعلنيش بقي .. ومش هتحكيلي باقي اللي حصل في السنة دى ؟

مسحت ريهام دموعها

ريهام (بهدوء): احنا وقفنا لحد فين امبارح ؟؟؟

احمد(بلهفة): لحد ما احلام وقعت

بدات ريهام تستعيد الاحداث اللي حصلت معاهم بعد وقوع احلام

ريهام (بهدوء): في اليوم ده حصل حاجة غريبة وانا قاعده معاك في المستشفي دخل عليا واحد وقالي انو عايز يكلمنى في موضوع مهم

وبدا ريهام ترجع بالاحداث لورا

خرجت ريهام مع الشخص ده

ريهام(بهدوء): مين حضرتك ؟

الشخص: انا الظابط عادل اللي ماسك القضية بتاعة جوز حضرتك

احنا عثرنا علي شخص من اللي كانو سبب في الحادثة

ريهام ودا علي وشها علاما الفرح

ريهام (بلهفة ): بجد ؟؟ وعملتو ايه معاه ؟

ظهرت علي الضابط علامات الاسي

عادل: للاسف يا مدام معملناش حاجة

ريهام (بحزن ): ليه ؟ مين وراه ؟

عادل(بهدوء): محدش يا مدام الولد لاقيناه ميت في شقة مهجورة واحنا بنعمل تحريات عن الحادث ولسة ملقناش الاتنين التانين ... مش هم برضو كانو تلاتة ؟

ريهام(بسخرية): سبحان الله يمهمل ولا يهمل ... اه كانو تلاتة شابين وبنت كل واحد فيهم في عربية

عادل (بحزم ): ان شاء الله هنلاقيهم وهناخدلك حقك منهم

ريهام (بسخرية ): حقي !!! ... جوزى مرمى جوا ومش عارفين في ايه بسبب طيش شباب وتقول حقي , حقي ولا حق جوزى ولا حق بنتى ,حقي ان جوزى يبعد عنى احنا لسه متجوزين جديد .... ولا حق بنتى اللي عندها 5 شهور اللي اتحرمت من ابوها من قبل ما تنطق بابا ... ولا حق جوزى انو يعيش ويحلم ويخطط لمستقبلنا ويخطط لاولادنا حق ايه ولا ايه !!!....

ومشيت ريهام وهى بتعيط وبتقول (ربنا عليهم )

اتاثر عادل بكلمات ريهام اللي طالعة من قلبها المحروق علي حاجات كتير ضاعت في حياتها بسبب تهور وطيش شباب مش في راسو غير التفاهات ... ووعد نفسو انو هيرجعلها حقها منهم

مشى عادل وكلو اصرار علي انو يلاقي الشباب دول ويعرف ايه سبب موت الولد ده (اللي ممكن يكون انتقام من ربنا )

وبعد اسبوع من المحادثة  دى جه عادل يبلغ ريهام ان الشاب التانى مات في ظروف غامضة وفي نفس البيت المهجور

كانت ريهام فرحانة ان ربنا اتقملها منهم بسبب اللي عملوه في جوزها احمد

لحد ما جيه اليوم اللي اللي عرفت فيه ان البنت اللي كانت معاهم كانت هتموت في نفس البيت ده وبطريقة تعذيب متوحشة وهى دلوقتى في العناية المركزة تحت حراسة  شديده

ريهام (بهدوء): الظابط ده لما جالي تانى مرة كنت حاسة في كلامو انو شاكك فيا .... في اخر مرة جالي لاقيت الشك ده راح اكنو كان مراقبنى وانا معرفش

في الفترة دى كانت ماما بتيجى تقعد معاك وانا انام شوية واصحى اكمل وهى تروح تقعد في البيت مع رامز وبابا وتخلص شغل اليوم التانى وممكن تيجى عندى بعد ما تخلص او تبعد بابا اما رامز فكان علي طول مهتم باحلام

لحد ما في يوم ... ماما رجعت من المستشف  وبتحط الاكل لبابا ورامز وحصل حريق في العمارة بابا حاول يخرج بيهم من الباب بس النار كانت قدامهم وبابا بيحاول يشوف حل لاحظ ان السكان بينزلو بدون ما النار تلمسهم

حس ان في حاجة وبدا يقرا قران لف بطانية علي احلام ونزل بيهم من البيت

بس شقتنا الوحيده اللي اتحرقت ومن يومها وبابا حس ان في حاجة مش طبيعية في البيت وعشان كده في الفترة الاخيرة مش بيجى وقعد في الارض بتاعتو مع رامز واحلام وماما وبعتلي الشيخ عشان يساعدك لانو حس ان الموضوع ليه علاقة بيك وبتصرفاتك لما كنت في الغيبوبة

قام احمد بسرعة وهو بيقول

احمد: الشيخ . ازاي تاه عن بالي

ريهام قلقت وقامت وقفت

ريهام(بقلق): مالك يا احمد شيخ ايه ؟

حاول احمد يهدى من نفسو بيتكلم بطريقة طبيعية عشان ميقلقش ريهام

احمد(بهدوء): لا يا قلبي مفيش اصلي انا فاكر الشيخ ده شكلي شوفتو لما كان عندى

ريهام (بعدم فهم): طيب

ابتسم احمد لريهام

احمد(مبتسم ): روحى كملي اللي وراكى وانا هنزل مشوار نسيت اعملو

ريهام(بقلق ): طيب متتاخرش .. وخد بالك من نفسك

وراحت ريهام زبطت هدومو قبل ما يخرج وسلمت عليه وبعد ما مشي دعتلو .. دخلت ريهام عشان تكمل شغلها بس معرفتش فقررت انها تدخل تاخد شاور وقبل ما تدخل اخدت احلام  وطلعتها عند دينا عشان تاخد بالها منها

دينا (برجاء): عشان خاطري ياريهام خليها معايا لحد بكرة

ريهام(مبتسمة): ياسلام ولما احمد يجى اقولو ايه .. وكمان دى حبيبة قلبي وبتوحشنى

دينا(برجاء): عشان خاطري يا ريري

ريهام (مبتسمة): طيب طيب بس عشان صعبتى عليا خليها عندك لحد معاد النوم وانا هاخدها وبكرة الصبح هجبهالك

انا مقدرش انام وهى مش موجوده

دينا (بفرحة ): ربنا يخليكى يا ريري انتى متعرفيش انا بحبها قد ايه

ريهام (مبتسمة ): عارفة ياختى بس خدى بالك من حملك

دينا (مبتسمة ): متخفيش عليا انا كويسة ومحمود واخد بالو منى كويس .... ويلا من هنا بقي عايزة اقعد مع القمر ده شوية

ريهام(مبتسمة ): ماشي ماشي بقي كده ... استنى بس افوق من اللي انا فيه وافوقلك

ضحكت دينا وهى وريهام وكل واحده فيهم دخلت بيتها بدات ريهام تجهز المية وتجهز هدومها وبدات تلف في الشقة عشان لو في غاز مفتوح او شباك مفتوح تقفلو بعد ما خلصت دخلت عشان تشوف المية وهى بتحط ايدها في المية النور طفي وولع بصت ريهام حوليها

ريهام(بعدم اهتمام ): يمكن الضغط وطى وعلي

احمد ماشي في الشارع في نفس اللي كان بيمشيه في الحلم لحد ما وصل للجامع فضل واقف قدام الباب ...احمد جوا الجامع دخل قعد في نفس المكان اللي قعد فيه في الحلم بتاعو صلي ركعتين  ولما خلص لاقي ايد حد علي كتفو وقبل ما احمد يلف يشوف ده مين كان متوقع مين الشخص ده .... ولما لف كان توتعه في محلو لاقي الشيخ بيبصلو وبيبتسم

اليشخ(مبتسم) : ازيك يابنى ؟

احمد(بهدوء): الحمد لله

الشيخ(مبتسم) : الحمد لله علي كل شئ

احمد(بهدوء):انا كان فيا ايه يا شيخنا ؟

سكت الشيخ شوية وبدا يتكلم

الشيخ : جن عاشق يابنى ومش معنى انو خرج منك انو هيسيبك في حالك بالعكس ده ممكن يعمل اي حاجة ويكون معاك احمى نفسك يابنى انت وعيلتك ده كان هياذي عيلتك

سكت احمد وهو بيفكر

احمد: قولي يا شيخ الجن العاشق ده ايه معناه

الشيخ : زى ما الانسان بيحب ممكن الجن يحب

احمد :طيب انا عايز احكي لحضرتك حاجة

بدا احمد يحكى للشيخ اللي حصل معاه من يوم ما ريهام ماتت لحد ما فاق وانو اكتشف ان ده حلم

وبدا مع الشيج يجمع الخيوط

الشيخ :مقولتليش مين رانيا اللي الشبح ده كان بيقول اسمها

سكت احمد وبدا يفتكر اخر سنة في الكلية

كان واقف هو ومحمد وريهام ورنيا وداليا مستنيين النتيجة وقبل ما النتيجة ما تطلع

رانيا : ممكن يا احمد اتكلم معاك

كان احمد واقف جمب ريهام ولما رانيا طلبت منو انها تكلمو هو وريهام بصلو لبعض باستغراب

احمد(بهدوء): اكيد

مشيت رانيا ووراها احمد وبداو يتكلمو

رنيا:........